Біз қиын уақытты бастан кештік, бірақ қалыптасқан жағдайдан сабақ ала білдік. Өткен жыл бойы Компанияда еңбек ұжымдарымен ішкі қатынастарды құру бойынша қарқынды жұмыс жүргізілді. Кез келген өзекті мәселені талқылауға шығаруға және барынша қысқа мерзімдерде шешу үшін, ҚМГ БӨ жұмыскерлерімен кері байланыс механизмдері әзірленді және енгізілді. Қызметкерлер құрамының ынтасын арттыру жүйесі әзірленді, еңбек дауларын шешу және медиация бойынша тренингтер, корпоративтік рухты арттыру бағытында іс-шаралар өткізілді. Біздің 2012 жылға міндетіміз еңбек ұжымдарының сенімін және оң пейілін қайтару, Компания үшін өндірісте мықты шепті қамтамасыз ету болды.
Бүгін біз жұмыс істейтін қызметкерлер құрамымен қатынастарда позитивті ілгерілеуді көріп отырмыз және қабылданған шешімдердің дұрыстығына көз жеткіздік. Атқарылған жұмыстар ҚМГ БӨ компаниясының мыңдаған адамнан тұратын ұжымын жұмылдыруға ықпалдасып, конструктивті диалогты және өзара құрметті дамытуға жаңа серпін береді деп үміттенеміз. Бұл салада біз жалғыз жұмыс істеп жатқан жоқпыз. ҚР Мұнай және газ министрлігі, «Самұрық-Қазына» қоры, бас компаниямыз «ҚазМұнайГаз» және жергілікті атқарушы органдар бізге жан-жақты қолдау көрсетуде.
2012 жылы Компанияның басқару құрылымына және бизнес-үдерістеріне елеулі өзгертулер енгізілді. Мәселен, акцияларының 100%-ы ҚМГ БӨ компаниясына тиесілі «Өзенмұнайгаз» және «Ембімұнайгаз» өндірістік филиалдары акционерлік қоғамдар болып қайта құрылды. Бұл тікелей өндірісте менеджменттің қажетті жауапкершілігі мен жеделдігін қамтамасыз етті, кәсіпорындардың ашықтық деңгейін арттырды. Сонымен қатар, жаңадан екі сервистік компания құрылды, олар тек ҚМГ БӨ және басқа мұнай өндіретін компанияларға қызметтер көрсетіп қана қоймай, сонымен қатар аймақтағы әлеуметтік шиеленісті төмендетеді.
ҚМГ БӨ компаниясының 2012 жылдағы операциялық нәтижелері негізгі активтердегі өндірудің тұрақтандырылғанын көрсетеді. «Қазгермұнай» БК» ЖШС, «CCEL» және «ПетроКазақстан» компанияларындағы үлестерді ескергенде, 2012 жылы Компания 12 191 мың тонна (тәулігіне 247 мың баррель) мұнай өндірді, бұл 2011 жылға қарағанда 1%-ға кем. 2011 жылдың соңында ұзаққа созылған ереуілден кейін, ҚМГ БӨ компаниясына әлі де болса, өндірістің бұрынғы көлемін қалпына келтіру үшін уақыт қажет. Бірқатар кәсіпшіліктердегі инфрақұрылым тозған, жабдықтың барлығы бірдей бүгінгі күннің талаптарына сәйкес келмейді. Сондықтан 2012 жылы біз ауқымды жаңғырту бағдарламасын іске қостық, ол аяқталғаннан кейін бізге «Өзенмұнайгаз» АҚ-ндағы өндірістік үдерістерді тұрақтандыруды аяқтауға, оларды барлық сыртқы теріс факторларға орнықты етуге мүмкіндік береді. Мұнда ТМД үшін бірегей жер асты жабдығын диагностикалау және жөндеу бойынша цех жұмыс істеп, мұнай базасы, ұңғымаларды бұқтыруға арналған сұйық дайындау бойынша екі учаске, мұнай кәсіпшілігі жабдығына сервистік қызмет көрсету бойынша цех, мұнай жабдығын жөндеу бойынша цех, автокөліктің және арнайы техниканың 1000 бірлігіне қызмет көрсету бойынша автосервистік орталық салынатын болады. Одан басқа, шоғырланған сорап станциясының қабатқа сұйықты жинау және тасымалдау жүйесі реконструкцияланатын болады. Осы нысандарды пайдалануға тапсыру бізге өндірістің тиімділігін айтарлықтай жоғарылатуға мүмкіндік береді. Бағдарлама орташа мерзімді перспективаға шақталған, оған инвестициялардың көлемі – 100 миллиард теңгеге жуық. 2013 жылы осы бағдарламаны іске асыруға және жалпы біздің өндіруші активтеріміздің проблемаларын шешуге барынша маңыз беріліп, ресурстар және жігеріміз бағытталатын болады.
«Өзенмұнайгаз» АҚ кемел кен орнын игеріп жатқанына қарамастан, оның өз даму келешегі бар. 2012 жылдың барысында Өзен кен орнының әлеуетіне толық ауқымды зерттеулер жүргізіліп, олардың нәтижелері бойынша тәуелсіз сарапшылар кен орнының келешегі бар деген тұжырым жасады. Бірақ зерттеулер сондай-ақ кәсіпшіліктер пайдалы болуы үшін, өндірістік қызметке көзқарастарды қайта қараудың қажет екенін көрсетті. Сондықтан 2012 жылы мұнай қайтарымын арттырудың заманауи әдістерін енгізу бойынша жұмыс басталды, жаңа жабдық сатып алынды, өнеркәсіптік жұмыстардың басым бөлігі автоматтандырылатын болады.
2012 жылы Өзен кен орнында тұңғыш рет горизонталды ұңғыма бұрғыланып, ол дебиті тәулігіне 22 тоннаға жуық көлемді құрайтын мұнайдың фонтанды ағынын берді. Позитивті нәтижелерді негізге алып, және қолда бар инфрақұрылымды ескере отырып, біз горизонталды ұңғымаларды бұрғылауды 2013 жылы да жалғастыруға ниеттіміз.
ҚМГ БӨ геологиялық барлау жұмыстарының орташа мерзімді бағдарламасын іске асыру жұмыстарының ең басында тұр. Біз геологиялық барлауға инвестициялар ең алдымен экономикалық тұрғыдан ақталуға тиіс деген принципті ұстанамыз. Сондықтан, Компания геологиялық барлау жұмыстары бағдарламасының нысандарын салымдардың перспективтілігі тұрғысынан қатаң електен өткізуді жүргізді және бұдан әріде де барлау мен жете барлауды нақтылы және шын мәнінде прагматикалық жүргізіп отыруға ниетті.
ҚазМұнайГаз ҰК жаңартылған стратегиясын есепке ала отырып, қазіргі уақытта ҚМГ БӨ стратегиясы қайта қаралуда. Біз Қазақстандағы алдыңғы қатарлы мұнай-газ компанияларының бірі ретіндегі позицияларымызды нығайту үшін, қуатымызды жоспарлы түрде нығайтудамыз. Біздің негізгі міндеттеріміз – топтастырылған өндіру көлемін ұлғайту, жаңа активтерді иелену арқылы көмірсутектердің қорларын толықтыру және өсіру, сондай-ақ геологиялық барлау жұмыстары және ҚМГ БӨ негізгі кен орындарында өндірісті оңтайландыру.
Біз бұрынғыдай орын тепкен аймақтарда әлеуметтік жағдайларды жақсартуға ықпалдасуға, мұнайшылардың жас буынын оқып-үйретуге және кәсіптік өсіруге жәрдемдесуге, экология және өндірістің қауіпсіздігі мәселелерін шешуге ниеттіміз.
Біздің компаниямыз өзін тиянақты жер қойнауын пайдаланушы, пайдалы кәсіпорын және өз акционерлерінің алдындағы жауапты серіктес ретінде көрсетті. ҚМГ БӨ бүгінгі міндеті – осы атаққа сәйкес болу және әрі қарай үйлесімді өсу бойынша жұмысты жалғастыру.
АБАТ НҰРСЕЙІТОВ
БАС ДИРЕКТОР
