Қауіпсіздік және еңбекті қорғау

  • 2016 жылы еңбекті қорғау жөніндегі іс-шараларды іске асыруға 1,8 млрд. теңгеден астам қаражат жұмсалды. Компанияның барлық өндірістік құрылымдық бөлімшелерінде жылына кемінде бір рет қызметкерлерді жұмыстың қауіпсіз әдістеріне оқыту жүргізіледі, оқу қорытындысы бойынша емтихандар тапсырылады. Басшы қызметкерлер мен өндірістік қауіпсіздік пен еңбек қорғауды қамтамасыз ету үшін жауапты адамдар тиісті білім беру ұйымдарындағы біліктілігін арттыру курстарында үш жылда бір рет оқып, білім деңгейін тексеріп тұрады.
  • Өндірістік объектілерде жылдамдықты арттырумен байланысты жол-көлік апаттарын болдырмау үшін «Автокөлік құралдары мен арнаулы техникалардың мониторингі жүйесі (GPS)» қолдануға енгізілді. Бұл жоба тәртіп бұзушылықты анықтауға, автокөліктің тұрған жеріне онлайн мониторинг жүргізуге, түрлі құрылғылардың көрсеткіштерін белгілеуге, жоспарлы техникалық тексерулерден өтуді бақылауға және т.б. мүмкіндік береді.
  • 2016 жылы бірнеше жоба басталып, табысты іске асырылды. Осы жобалардың мақсаты – еңбекті және қоршаған ортаны қорғау саласындағы жағдайды жақсарту мен қауіпсіздік мәдениетін арттыру.
  • • Негізгі жобалардың бірі еңбекті және қоршаған ортаны қорғау бойынша есептілікті ашықтығын күшейту жобасы болып табылады.
  • • Өнеркәсіптік қауіпсіздіктің деңгейін арттыру мақсатында ЕМГ-де 2016 жылы қауіпсіздік және еңбекті қорғау бойынша мамандар саны көбейді.
  • • Еңбекті және қоршаған ортаны қорғау саласында қызметкерлердің «Алтын ережелер» кодексі енгізілді. Кодекстің мақсаты Компанияға қарасты еншілес және тәуелді ұйымдары және мердігерлік ұйымдары жұмыскерлерінің қауіпсіздік пен еңбекті қорғау бойынша Қазақстан Республикасының заңнамасы талаптарына және халықаралық талаптарға сәйкес қызметін жүргізуі болып табылады.
  • Қызметкерлерді жеке қорғау құралдарына жыл сайын талдау жүргізіледі. Олар қорғаныштың барынша жоғары деңгейін қамтамасыз етуі, жеңіл, эргономикалы және пайдалануда барынша ыңғайлы болуы тиіс. Бұл ретте, Компания қызметкерлерінің жеке қауіпсіздігін жақсарту үшін арнаулы киімдер, аяқ киімдер және басқа да жеке қорғаныш құралдарын беру нормаларына өзгерістер енгізілді. 2016 жылы осы мақсаттарға 3,5 млрд. теңгеден астам қаржы жұмсалды.

ҚМГ БӨ-де еңбек пен қоршаған ортаны қорғау басқарудың негізгі элементтерінің бірі болып табылады.

Компанияда құрылымдық бөлімшелердің қызметкерлері мен бірінші басшыларының өндірістік процесті жүзеге асыру кезінде еңбек және табиғат қорғау заңнамаларының нормалары мен талаптарын сақтау үшін жеке жауаптылығы белгіленген.

Өткізілетін іс-шаралар еңбек жағдайын жақсартуға, апаттың алдын алуға, олардың зардаптарын оқшаулау мен жоюға даярлықты қамтамасыз етуге, үшінші тұлғалар мен қоршаған ортаға келтірілген шығындардың орнын толтыруға, сондай-ақ өндірістік-шаруашылықтық факторлардың қоршаған ортаның компоненттеріне ықпалын барынша азайтуға бағытталған.

  • «ҚазМұнайГаз» Барлау Өндіру» акционерлік қоғамының ISO 9001, ISO 14001 және OHSAS 18001 халықаралық стандарттарының талаптарына сәйкестікте басқарудың ықпалдастырылған жүйесі саласындағы САЯСАТЫ
  • «ҚазМұнайГаз» Барлау Өндіру» акционерлік қоғамының қауіпсіздік, еңбек пен қоршаған ортаны қорғау саласындағы САЯСАТЫ

    ҚазМұнайГаз Ұлттық Команиясы АҚ Басқарма Төрағасының Жолдауы

    Біздің қауіпсіздікке бағытталған жолымыз

    Жаңа еңбек жылын бастай отырып,  ҚазМұнайГаз компания тобының (бұдан әрі – ҚМГ) әрбір жұмыскері қауіпсіздік пен сенімділіктің неғұрлым жоғарғы деңгейіне жету үшін жұмыс орындарындағы апатты оқиғалар мен жазатайым оқиғаларды болдырмау үшін өзінің еңбек қауіпсіздігі мен денсаулықты қорғауды жетілдіру үшін қосқан үлесін бағалау қажет.
    ҚазМұнайГаз компаниясының жұмыскерлерінің және мердігерлік ұйымдарының қауіпсіздігі мен денсаулығын жақсартуға, сондай-ақ жергілікті қауымдастықтардың әл-ауқатына ұмтылу ҚазМұнайГаздың бизнестегі ұзақ мерзімді табыстылығының негізі болып табылады.
    Біз өзіміздің негізгі құндылықтарымызға ортақтасқан ҚазМұнайГаздың барлық жұмысшыларын қатыстыра отырып, еңбек қауіпсіздігі мен денсаулық мәдениетін дамытуға, сондай-ақ мінсіздік пен жетістіктерге ұмтыламыз. Бұл мақсаттарға жету үшін бізге сіздердің жеке мүдделілігіңіз бен қолдауларыңыз қажет.

    Қауіпсіздік және денсаулық мәдениеті әрқашан көшбасшылықтан басталады. Көшбасшылар басқа жұмыскерлерге өз кезегінде мәдениеттің мінез-құлық үлгісін көрсетеді. Көшбасшылар сонымен қатар талаптар белгілеп, құрылым жасап,  басқаларды оқытып мәдениетке әсер етіп, нәтижеге жеке жауапкершілікпен қарайды. Мұндай қауіпсіздік мәдениеті ҚазМұнайГаздағы басқарудың әрбір деңгейінің ажырамас бөлігі болуы тиіс. Ол үнемі нығайып, жетілдірілуі керек, қауіпсіздік және денсаулық сақтау мәселелері басқа басымдықтарға қарағанда жоғары болуы тиіс.
    Біздің басты мақсатымыз - ҚазМұнайГаз бен мердігерлік ұйымдардың жұмыскерлерінің күн сайын үйлеріне аман-есен қайтуы үшін жағдай жасау. Біз әрқашан басты мақсатымыз – ЗИЯНСЫЗ ЖҰМЫСҚА қол жеткізу үшін еңбектенеміз

    Қауіпсіз мінез-құлық мәдениетінің тұжырымдамасы жұмыскердің нормативтік талаптарын сақтаумен қатар, жұмыстың қауіпсіз орындалуы үшін өз жауапкершілігін мойындауды қамтиды.
    Біздің қазіргі кезеңдегі міндетіміз ресми қауіпсіздік процедураларын сақтауды ғана емес, сонымен қатар ҚазМұнайГаздың әр жұмыскерін оларды жетілдіруге шабыттандыру болып табылады.
    Сондықтан қауіпсіздікті және еңбекті қорғау мәселелеріндегі көшбасшылық тек қана жоғары және орта буын басшыларынан ғана емес, сондай-ақ барлық қол жетімді байланыс құралдары пайдаланылып, ҚазМұнайГаз қызметкерлері мен мердігерлік ұйымдарынан бастау алуы тиіс.

    Қауіпсіздік және еңбекті қорғау мәдениетінің дамыту, үздіксіз жетілдіруге бағытталған  шексіз ұзақ  үдеріс. Қауіпсіздік мәселесінде тым асыра менмендік пен өз-өзіне сенушілікке жол жоқ. Еңбек қауіпсіздігі және еңбекті қорғау үдерістерін үнемі жетілдіру жұмысшыларға қойылған мақсаттарына жету үшін барлығын жасауға мүмкіндік беретін тәртіпке дағдыландырады және зейінді арттырады.
    Әрине, әлемдегі ешқандай мұнай-газ компаниясы, оның ішінде ҚазМұнайГаз да осы салада толық табысқа қол жеткіздік деп айта алмайды.

    Осы мүмкіндікті пайдаланып, мен барлық жұмыскерлерге өз ісіне берілгендігі,тұрақты және тиімді компания -ҚазМұнайГаз болашағына баға жетпес үлес қосқаны үшін алғыс айтамын, сондай-ақ Сізге және сіздің отбасыларыңызға қауіпсіз жұмыс және 2018 жылда сәттілік тілеймін.

    Құрметпен,

    Сауат Мыңбаев

     
Наверх